裕美仲有聯絡黃子恆

歌手裕美、薛家燕及翟威廉等昨日為無綫節目《區區添食團年飯》錄影，曾與黃子恆發展婚外情的裕美，表示現時享受單身生活，但就有追求者。對於子恆新劇《味想天開》近日播出，裕美大方表示有捧場：「我都戥佢高興，佢係一個好努力嘅演員，會研究劇本。（有冇聯絡？）新年都有傳短訊祝福大家，大家都忙。（仲有冇可能拍拖？）今日唔知聽日事，隨緣啦！（咁有冇火花？）朋友囉！幾好呀！做朋友幾好！」在旁的家燕聽到一頭霧水，了解過後才恍然大悟說：「原來係你舊愛，唔錯呀！」裕美聞言即尷尬笑笑口。