藝人黎美言去年接拍ViuTV真人騷《G-1格鬥會》，最近以打女形象擔正一部內地網絡電影。愛上打拳的她除了考上教練牌，亦十分留意拳壇動向，更封「神奇小子」曹星如為「男神」：「好留意佢打嘅比賽，最欣賞佢打不死嘅精神，好似轟炸機一樣，唔容易放棄一件事，所以佢有『香港神奇小子』之稱，好希望有機會同佢合作拍電影，最好關於武打方面嘅戲，佢係非常值得我學習嘅對象。」同樣曾參加《G-1》的郭思琳贏過女子明星拳賽冠軍，樹立打女形象，她大讚曹星如為港爭光：「我訓練過後更明白練習過程係好刻苦，曹星如嘅體格同心理質素一定好好，非常佩服佢！希望可以同佢合作，最好一齊拍關於運動用品嘅廣告！」