「神奇小子」曹星如近年成為熱門人物，除了拍下不少廣告外，更成為影壇搶手貨。對此，其經理人兼教練劉志遠昨日接受本報電話訪問，表示早年已有片商向曹星如招手：「好多謝冼國林賞識。其實呢幾年都有片商搵曹星如拍戲，但我哋團隊考慮過之後都婉拒咗，因為佢依家集中喺擂台上，佢依家擁有嘅知名度都係擂台畀佢嘅，呢幾年佢唔能夠離開擂台，或者有一日佢退下去，可以嘗試其他工作。」
劉志遠坦言過往找曹星如演出的劇本，角色卻並非其最擅長的打戲：「反而係搵佢做文戲，依家佢都有五、六個廣告代言，如果再接戲就會減少同家人相處同訓練嘅時間，因為如果佢一個星期停咗做其他嘢，就要用雙倍時間去建立番比賽狀態。」雖然如此，劉志遠轉述曹星如所說：「一日未退役，我都仲係運動員身份，為比賽而奮鬥，依家未有空閒時間兼顧拍戲呢！」