苟芸慧成性幻想對象：好開心!
藝人苟芸慧（苟姑娘）昨日以香港區推廣大使身份，出席康城國際微短片節香港新聞發布會，近日苟姑娘一輯性感照在網上瘋傳，被網民大讚索爆回歸，但昨日苟姑娘未有騷quali，穿上密實黑色套裝，只稍為露背，她解釋剛剛返港擔心感冒，而且要配合場合。問到今年是否挑戰性感？她說：「係呀！今年重新開始，想做啲特別嘢，畀另一面嘅苟姑娘大家睇，今年想有自己作品，例如電影、珠寶設計嘅嘢。」她又大方分享Keep Fit心得：「個人開心啲，大家可以試吓笑多啲，當然要運動。（開心因為拍拖？）都係講番今日主題！（病情已經冇事？）係甲狀腺問題，要一直控制住，希望保持住心情靚靚。」
鍾嘉欣囡囡可贏華姐
她表示去年11月已跟TVB完約，現時自由身，問日後拍電影會否接受性感？她說：「文藝片我會接受，我尊重Art嘅導演。（點睇自己成為網友性幻想對象？）好開心、好幸運大家鍾意我。（出寫真？）遲啲先，先focus自己創作方面。」
苟姑娘剛在加拿大探望好姊妹鍾嘉欣，笑言對方女兒「毛毛球」非常可愛，可勝出2037年中華小姐！近月她與賽車手陸漢洋傳緋聞，問何時到她結婚生BB？她欲言又止：「真愛值得等待，緣分要嚟就嚟。（未搵到真愛咩？）做嘢先，想工作上有突破，有好消息會同大家講！」問兩人是否已分手？她表示一直是朋友，感情想低調處理。
文：影視組