楊明傍實莊思明又睇醫生

藝人楊明早前被拍得陪女友莊思明往跑馬地醫院睇醫生，女方還出現作嘔徵狀，孕味甚濃！昨晚約七時，楊明駕着女友的座駕再現身醫院附近，見他把車停於一旁後，便下車邊撳電話邊等待。等了約個多小時後，楊明收到電話後就一臉緊張地匆匆驅車，前往醫院接載女友。而戴上口罩、雙目無神的莊思明步出醫院後，便急急腳上車，座駕其後直駛往尖沙咀，二人似乎是往醫肚。
楊明收到電話即前往接女友。
楊明收到電話即前往接女友。

另外，莊思敏昨出席劇集宣傳，對於胞妹莊思明被指疑似懷孕，她笑言對方應不會如此不小心，但揚言若思明真的懷孕也不介意。問到將來榮升大姨媽，她說：「預咗爬我頭！係就快啲，唔會因我未嫁佢就唔敢嫁。（思明話等你結婚有排等。）哈！佢真係冇人性，又唔介紹男仔畀我。」

戴上口罩的莊思明急急腳上車。
  • 戴上口罩的莊思明急急腳上車。
莊思敏預咗畀妹妹爬頭結婚。
  • 莊思敏預咗畀妹妹爬頭結婚。