陳柏宇捱過三年艱難期

陳柏宇昨日現身師弟林奕匡演唱會宣傳活動，曾是內地騷王，唱酒吧騷月賺六位數的他，表示十年前初入行時，曾試過每月只得七、八百元，幸有家人全力支持才捱過「艱難期」：「我唔覺得嗰時好辛酸，因為一早知道做歌手唔同做正職有穩定收入，嗰時我定下三年期限，如果三年都搵唔到錢養自己就轉行！」

而歌手張惠雅昨日出席美容院活動後受訪，坦言十年前入行做新人時，試過半年零收入：「嗰時冇錢好唔開心，但有朋友同我講，外國好多演藝人都係邊打工邊追夢，只係香港人先覺得奇怪，我都諗過做幾年後就結婚生仔唔再做，但依家冇男友，又對中醫有興趣先至讀中醫。（諗住轉行做中醫？）或者啦。」