Fiona慘變急凍「落湯雞」

歌手薛凱琪（Fiona）日前為護膚品牌拍廣告，遇上氣溫急降只得10度，室外進行又撞正落雨，但她仍堅持如期拍攝，結果慘變「落湯雞」，要出動暖包、羽絨及熱薑茶來保暖，Fiona笑說：「導演想拍戶外做瑜伽、打坐，有日光Feel嘅感覺，惟有淋一陣雨，最緊要拍出嚟效果好，咩都值得。」Fiona坦言近年愈來愈着重養生，愛以打坐來平衡忙碌生活。另外，導演鄧愛嘉特別安排航拍機，但因摩打聲實在太大，在Fiona頭頂盤旋時差點嚇親她，場面搞笑！