女星楊怡、萬綺雯、黎燕珊、朱慧敏及陳寶珠兒子楊天經等到上海演出的舞台劇《我和春天有個約會》，前晚正式公演並全院滿座，反應熱烈。最令一眾演員感動的，是摰愛的另一半或至親都專程飛來打氣！和女星馮寶寶等好友拉隊來支持兒子演出的陳寶珠說：「好耐之前睇過《我》劇，今次演出好精彩，每一位演出者都盡心演出，令我有個好開心嘅晚上！多謝主辦單位畀天經有呢個機會嚟演出，我覺得天經演得唔錯，好淡定演繹Danny呢個角色，當然都有進步空間。作為媽媽嘅我，當然希望下次重演時天經可以有更多方面嘅參與，多謝大家嘅支持。」
另外，萬綺雯的老公兼著名編劇陳十三也親自飛來欣賞演出，並獲萬綺雯送吻以作「獎勵」！至於黎燕珊的一對子女劉詠詩及劉德權亦同樣飛來支持，看了母親的演出後更感動得眼濕濕。詠詩大讚媽媽演得不錯，而黎燕珊則說從未演過舞台劇，今次考驗猶如過了一關，更指子女前來打氣是其推動力。