小齊撞樹飛落潭死過翻生禁行房

賽車發燒友任賢齊為達成夢想，今年參加了「DAKAR世界級越野車大賽」，1月2日起由巴拉圭首都亞松森作起點，分為數個賽段，鬥到阿根廷首都布宜諾斯艾利斯作終點。

小齊完成第一段賽道，於香港時間3日凌晨4時挑戰第二賽段，期間遇上意外！由於當地剛下大雨，森林的野外賽道變成一片爛泥路，除了賽車難行外，現場亦塵土飛揚令能見度極低，結果他撞向另一架賽車。幸而兩人身體無大礙可繼續比賽，但小齊其後再遇車禍，今次就「冇咁好彩」！

小齊坐直升機到阿根廷就醫，幸好冇大礙。	小齊與各地高手過招，未出發先興奮。	小齊撞完車跌落水潭，搞到滿面泥濘。

虛脫見暈 整傷條腰

小齊昨日在長途電話中表示，當他再揸了90公里，又因爛泥地而炒車：「架電單車撞到樹，我成個人飛咗出去再跌落水潭！搞到扭傷咗腰，冇力扶起跌落地嘅電單車。其實我仲想繼續，後面只有幾百公里，但當時流太多汗，個人有啲虛脫無力感覺，加上頭好暈，喺撞樹位休息咗好耐。最後發現腰傷，所以冇力再將車拉起繼續，惟有由直升機送我返阿根廷嘅大本營。」

改揸四個轆：安全啲

經醫療中心的醫生驗身及進行X光與超聲波檢查後，小齊幸好沒有骨折及內出血，只是傷及腰骨，醫生叮囑他必須休息，結果要放棄今次賽事，小齊說：「除咗腰傷就冇大礙，目前唔可以搬重嘢，唔可以行房。」他又指比賽中受傷車手多達三十多人，不少人在醫療中心留醫，不是斷手就是斷腳！

對於今次大難不死，小齊自覺幸運但又失望：「難得參加到世界大賽，全部都係世界級高手。（放棄賽車？）唔會！如果可以，我會嘗試揸『四個轆』比賽，即係四輪越野車，比較安全，至少人唔會撞到飛出去。」他將在當地休息數日，月底會合「男人幫」到美國拉斯維加斯演出賀歲巡迴騷。