Angelika 猷啟同居享受二人世界
賭王何鴻燊三房兒子何猷啟，與外籍女友Angelika拍拖半年多感情穩定，原來這對小情侶已悄悄同居！Angelika昨日與「混血宋承憲」Xavier Callicott出席活動時透露，會將工作基地搬來香港，問到可有計劃與男友一起住？她不經意自爆兩人已同居：「我哋係一齊住。（同佢屋企人一齊住？）唔係，得我哋兩個，佢搬咗出嚟。（佢家人有冇投訴？）冇喎！」
見家長讚Nice
她表示已見過賭王及三太，大讚男友家人十分友善，問到猷啟是否視她為結婚對象，她笑而不語，再追問男友是否她的Mr. Right？她說：「佢真係好好嘅男仔。（結婚？）冇諗到咁長。（成日Check住佢行蹤？）有時啦！唔會成日，我都信佢！」今年是二人一起後首個聖誕，將會與一班朋友到日本滑雪，過一個浪漫的白色聖誕！
活動上，Angelika挑選了一個有全球定位功能的行李箱給男友，記者笑指可以隨時追蹤到男友的行蹤？她笑說：「都係，不過最主要係因為我哋個電話成日冇電，同埋佢又周圍飛。」
文：名人組