王宗堯拆歐錦棠祠堂
藝人王宗堯及歐錦棠前晚為下月初公演六場的舞台劇《科學怪人》排練，「博士」宗堯及「科學怪人」歐錦棠上演嗌交戲，宗堯多次被摔落地，更每次都真跌，問到捱打是否很辛苦？歐錦棠笑住搶答：「你咁講唔公道喎！睇唔睇到佢踢我，想拆我祠堂呀！」兩人指戲中有四場對手戲，每場都辛苦，前晚排練的是體力最爆的一場，足足鬧足17分鐘！
歐錦棠更驚爆宗堯會咀他的老婆萬斯敏：「戲入面我老婆演佢老婆，我唔滿意佢，最後姦咗佢老婆，其實即係搞番自己老婆，好複雜！（拍姦戲難啲，定打戲難啲？）梗係打啦！有17分鐘！姦戲係象徵式帶過，我係最快嘅男人，得7秒！」
