任賢齊望實陳嘉寶：要唔着底褲！
歌手任賢齊和陳嘉寶（Anjaylia）昨日出席單車百萬行記者會，小齊有多年出賽經驗，即教「新丁」Anjaylia出戰秘訣要「唔着底褲」，更自爆當年當兵着女人絲襪保「啷啷」，嚇得Anjaylia大叫「咁刺激」！
小齊和謝安琪（Kay）任活動大使多年，但今年因Kay懷孕未能現身支持，昨日記者會就請了Anjaylia任「愛心之星」。問她會否踩畢全程13公里？她說要視乎練習進度，不敢「下巴輕輕」說可以。身經百戰的小齊則稱可以踩幾百公里，13公里的話他可以踩多幾轉。而小齊亦向Anjaylia傳授心得：「慢慢踩，一次過太急會頂唔住，Pat Pat會痛。（男人最痛？）女人都會痛，尾龍骨位加上啲單車位好細，坐到好痛。」小齊分享過往經驗：「唔好着底褲！尤其女仔，有個單車隊朋友同我講，有個女仔單車褲入面着T-back，佢不停踩，不停摩擦到，佢後尾痛到踩唔到。」小齊還很認真地望着Anjaylia說：「真係要唔着底褲，唔係講笑o架！」
着絲襪保啷啷
問到小齊是否真空上陣？他坦言：「我都冇着o架，以前當兵時『燒啷』，所以嗰時會着女性絲襪，怕磨損大髀內側。呢啲係秘訣嚟，我哋唔係變態，但真係要着，唔係愈行雙腳就愈開，依家年代好好，男士都有leggings可以着。」Anjaylia對於「唔着底褲」似乎未能接受：「咁刺激呀，真係第一次聽！（會唔會考慮呢個提議？）如果小齊哥咁講得，正路要效法一下。」而小齊表示這個就是踩單車的最大考驗。
分享湊仔心得
另外，提到好友蘇永康將做老竇，小齊稱很早已得悉，但他是口密的人，中國人傳統未過三個月怕小器，而他也有和阿康分享湊仔心得。
文：音樂組
攝：鄭家俊