吳業坤鼓勵拍片
對於被黃建東視為偶像，吳業坤說：「我覺得佢唔係當我偶像，佢只係稱讚我啫，我哋拍劇都有見面傾吓偈，佢都好直接同我講話欣賞我，我都會多謝呀，我平時都有鼓勵佢嘅，叫佢加油，大家一齊努力。」
坤坤又覺得Derek是幾有自信及才華的人，不過早前跟未拍片上網的他見面時，就覺得：「佢有啲頹，同埋身形有少少發脹，我都同佢話不如試吓畀個目標自己，譬如跑步又好，拍片又好，搵樣嘢去做，我會同佢講啲老生常談嘅嘢。我覺得跑步係個訓練，就算練唔到身形亦可訓練意志。」坤坤又讚Derek拍的短片好睇、好有創意。問他對Derek拍片有何提議？他說：「我覺得好似上次咁得o架啦，要創新，人哋做咗嘅話，你做第二樣嘢咁就會成功。」
