失戀陳瑞瑩越洋影裸照

混血女模陳瑞瑩（Helena）與Rosemary前晚現身法國設計師Jean Claude Jitrois與藝術家又一山人聯乘活動。Helena身穿低胸裙騷身材，早前甩拖的她表示最近到越南工作，在沙漠拍攝一輯全裸照：「當地好熱，我哋行咗好耐先到沙漠！今次全裸上陣，拍出嚟嘅相好有藝術感、好靚。（因為分手而將性感底線降低？）唔係！我向來都鍾意呢個風格，你以為我會因為失戀就變到好瘋狂呀？」提到聖誕，Helena自言並不愁寂寞，有大班朋友及派對，更會到峇里旅行過除夕。