蔡卓妍被辣招嚇窒 煞停買樓

蔡卓妍（阿Sa）、樂基兒（Gaile）、熊黛林（Lynn）、衛詩雅、Cara G.、Ana R.及李依琳等，昨日出席彩妝派對。阿Sa表示下星期要到澳門做巡迴演唱會，一、二月到美加，之後到大陸，提到工作忙碌是否賺得多？她表示多勞多得。早前政府宣布購買第2層或以上住宅物業的人士須繳付15%印花稅，阿Sa坦言令她對買樓卻步：「呢排唔買，個辣招太辣，之前有投資，但今次太辣，打擊樓市都要畀番啲優惠本地人。（買車位同舖投資？）我唔係炒，唔等嗰啲錢使，只係好過放銀行。」她更呻現在賺錢好難，百物騰貴。問到會否投資畫？她笑言：「睇中嗰啲成層樓咁貴。（有一幅畫未？）有，唔貴，幾年前買。」

熊黛林秘方造人

同場的Lynn表示有小朋友前都會搏命，現正不設防造人，但暫時未有好消息，她更透露正調理身體：「朋友有生B秘方，叫我唔好食海鮮同凍嘢，想快啲有，仔女都冇所謂。（老公要調理？）佢身體好，係我弱啲，之前食無定時差啲。」提到她是「百億新抱」？Lynn即時澄清指太誇張，怕有危險，更處處為老公慳錢，表示家品不用名牌，現在正為老公學煮飯，要留住老公個胃。

衛詩雅有三套戲上映為自己賀壽。	樂基兒（左）與熊黛林齊齊學廚，綁實另一半個胃。	李依琳低胸裝扮夠養眼。

樂基兒學煮中菜

至於Gaile透露下月21日返回美國過聖誕及農曆新年，正物色禮物給家人，會送運動衫給男友。她表示上網學煮中餐及老火湯，連男友都大讚。另外，於本月24號32歲生日的衛詩雅表示，生日有三套電影上映，是最好的生日禮物。

身材高挑的Ana R.騷美腿。

Cara G.晒香肩玉背。

文：名人組