鄭希怡被老公忽略

藝人鄭希怡昨日穿上Deep V及大露背裝出席化妝品牌Estée Lauder活動，幫現場觀眾搽護膚品及唇膏。打扮性感的她表示有做足打底措施，但老公並不知情，笑言老公把注意力放在女兒梁浸浸身上，自己被忽略。她又踢爆年紀小小的梁浸浸已十分貪靚：「佢成日都搽我支唇膏，但佢唔知搽邊度，搽到成面都係。」
鄭希怡大露背亮相，老公並不知情。
鄭希怡大露背亮相，老公並不知情。

講到好友蔡卓妍（阿Sa）將於22號生日，鄭希怡表示已與對方預祝，問到可有為對方介紹男仔？她笑言：「我仲有啲乜嘢呀？（有冇人向你搭路識阿Sa？）好多，但都係fans鍾意佢，我會幫佢過濾，但暫時未成功過，不過佢得(口架)啦，大把人追，靚女，又富婆！」

鄭希怡即場示範扮靚，原來家中寶貝女都好貪靚。
  • 鄭希怡即場示範扮靚，原來家中寶貝女都好貪靚。