吳業坤聖誕約女「拆禮物」

藝人吳業坤、黃心穎與蘇麗珊前晚到荃灣出席聖誕亮燈活動，忙拍無綫新劇《超時空男臣》的吳業坤表示聖誕會於工作中度過，如不用開工也希望相約朋友慶祝。問他是否打算相約一班女朋友度佳節？他笑說：「男女都有，自己唔係咁熱衷過節，會平淡咁過。（係咪平安夜先約女仔？）當然係Boxing Day啦！講笑。（唔敢再約緋聞女友龔嘉欣？）已經個幾月冇喺社交平台放女仔相，希望減少啲緋聞，睇嚟都有成效。」說到孫慧雪上載他被五位咪神圍着的相？他笑說：「我係畀佢五個陷害，啲網友話我偽毒可恥。」而心穎於現場獻唱，問她可需要吳業坤私人教授時？她說：「唔使。（驚傳緋聞？）唔驚，傳緋聞可以同佢有多啲搵錢工作。」