岑麗香上圍縮水吔叉燒增磅

藝員岑麗香昨日穿上Tube Dress為旺角某酒店剪綵，愈來愈瘦的她睇頭驟降，似乎有必要增磅，香香笑言會食多點叉燒增肥，問到上圍可有縮水？她說：「瘦咗少少啦！呢排工作忙。（男友強強唔畀飯你食？）所以咪要喺呢度食叉燒囉！」香香表示去旅行揀酒店特別注重酒店的泳池，曾被拍得與男友在酒店泳池戲水的她，問被偷影有否陰影，她說：「開頭唔慣嘅，但都係玩吓水、游吓水，去泳池唔着三點式着咩呢，下次着一件頭囉，但一件頭都可以好sexy！（強強唔慣畀人偷影？）佢唔係娛樂圈人，有啲唔慣。」她預告年底男友會來港，又表示想快點見到他。