陳凱琳唔介意嘉穎 阿佘買同一屋苑

陳凱琳、王祖藍、傅嘉莉（Kelly）、陳百祥及汪明荃等昨日於電視廣播城出席《萬千星輝賀台慶》拜神儀式，戴黑超的Grace坦承男友鄭嘉穎早前在何文田買「磚頭」：「係有呢件事，但詳情留番佢講。（介意佢同佘詩曼喺同一屋苑做業主？）唔會，希望佢兩個都做咗好嘅投資，我自己唔係好熟買樓，都要問吓人。（問男友？）我都要儲啲錢先，佢做投資係好穩陣，知晒所有嘢，好安全，有保證先做。」

王祖藍預告得罪人

戴口罩出席的祖藍透露患感冒：「Liza姐（汪明荃）命令我戴口罩，李亞男傳染完我好番啦。我冇睇醫生，靠食維他命C、黑蒜同清淡食物，亞男係好護士。台慶我哋『福祿壽』會表演『得罪人』，對象係所有自己人，主要講娛樂嘢。（講林丹婚外情？）人哋傷心事無謂灑鹽，呢件事有少少可惜，佢哋結婚我都有送禮，佢哋需要時間康復，特別係做太太嘅。」

傅嘉莉學煮餸，希望覓得好姻緣。	鄭嘉穎與佘詩曼均在何文田買「磚頭」。	祖藍笑言被老婆傳染患感冒。

傅嘉莉想要好姻緣

穿晚裝的Kelly解釋因要為中學朋友做姊妹，故才穿得較隆重。她說：「今年係我第一次參與台慶演出，所以一定要出席拜神儀式，祈求演出順利。（幾時到你嫁？）同啲中學朋友一齊成長，覺得結到婚唔容易，我會上多啲烹飪班，希望幫到搵好良緣。其實我今後50年都打算畀晒TVB！」

文：影視組