搶答造人大計郭晶晶唔否認大肚

名人霍啟剛與老婆郭晶晶早前被本報影到慶祝結婚4周年，晶晶一身鬆身衫上陣，孕味極之濃厚。昨日，二人全副行山裝束出席西貢郊野公園舉行的步行活動，十指緊扣現身，非常恩愛。現場所見晶晶明顯較為圓潤，問到是否懷有身孕？他們不但沒有否認，還直言有造人計劃。晶晶搶答：「其實有計劃，小朋友年紀差唔多。（會否追多個弟弟或妹妹？）也可以，最重要身體健康。」霍啟剛則表示順其自然，還透露平日與晶晶有行山習慣：「行得唔耐，因為之前真係要跑，要鍛煉。（帶埋囝囝行？）未，佢仲好細個，今日佢有問點解唔帶佢嚟，但係佢要返學，扁晒嘴！」