吳若希（Jinny）懷有3個月身孕，她在社交網洩密：「幸福的事要發生了！」曾與Jinny傳緋聞的溫家偉身在新加坡，他說：「吓？我唔知喎（Jinny有喜）！最近好忙都冇乜同佢聯絡，如果佢真係有BB都係好事，祝佢有個新開始。」
其實Jinny圈中一班密友早就收到消息，但同一口徑表示保密，Jinny同公司老友許廷鏗佯裝不知情說：「唔清楚其實到底指咩事，等Jinny自己公布。」作為她的閨密Kellyjackie也不敢多說：「我唔清楚，亦冇八卦。」熟知Jinny愛上網開心Share的她說：「不過如果係任何開心事，佢自然會同大家分享的。」