34歲孫慧雪認老向男友逼婚
藝人孫慧雪與黎燕珊前晚出席電影首映禮，提到雪雪早前表示會給男友結婚壓力，她笑說：「女仔keep住都會畀壓力嘅。（做你男友都幾大壓力。）都幾慘，唔係咁容易過嘅。」問到如何給男友壓力？自認年紀大的她說：「我都年紀差唔多，都有提過，但佢話：『你工作咁忙，你得閒先啦。』（畀期佢？）依家努力工作先，佢都未有表示，不過好多朋友問我幾時結婚，如果真係會同大家講。」
黎燕珊開心加場
雪雪強調不會未婚懷孕，希望婚後才生BB，雖然已經34歲，但覺得現時醫學昌明，40歲仍可以生BB。問到若意外有BB會否立即結婚？她說：「我好安全嘅。」
同場的黎燕珊表示最近忙於綵排舞台劇《我和春天有個約會》，並開心地稱舞台劇十場經已爆滿，現再加開十場。開騷期間適逢女兒生日，到時一對仔女也會到上海慶生及支持她。她又透露將會為有線拍攝關於名人後代學前教育的節目。
文：影視組