陳華鑫醉貓撼親頭

無綫藝人陳華鑫（Gloria）在劇集《幕後玩家》飾公關公司文員，戲份不算多，但她仍努力為角色加入個性：「我設定角色係鍾意夜蒲，返工都有醉意，冇咩記性咁，加加埋埋就令角色更豐富。（本身鍾唔鍾意蒲？）冇o架，但都知咩叫飲醉，我醉咗會High到冇啦啦喊，然後突然瞓着。」她憶述有次醉後迷迷糊糊沖涼，不慎跣腳撼親頭，但攰爆的她照爬上床瞓覺，其後痛醒致電母親求救，經此可怕經歷，她以後都不敢再做「醉貓」！