蔡立兒夫妻檔「破處」拍MV
歌手蔡立兒相隔25年再出新碟，日前為國語歌《白天不懂夜的黑》拍攝MV，破天荒請老公歐陽德勛擔任男主角，造就夫妻檔首次在螢幕演出！蔡立兒稱事前不知老公會演出：「係導演偷偷搵我老公嘅，我知道後都呆一呆，畀咗好大驚喜我！」問到如何多謝老公？她即笑說：「係咪佢要多謝我先啱？我畀機會佢演出喎！」
德勛坦言鍾情老婆新碟的歌曲才合作：「尤其呢一首，所以導演搵我時一口答應。（MV有冇親熱戲？）冇o架！其實對手戲都冇，如果要對住老婆做戲，我諗一定忍唔住笑！（接受到夫婦拍床戲？）我冇咁諗過喎！下次先算。」又笑言等老婆請食飯當酬勞。
