趙哲妤自強：BB得我一個

Uny坦言懷孕是人生的一個小意外，問到曾於訪問中表示到了第六個月才得知懷孕，她解釋：「自己表達得唔好，其實兩個月時已經知，但個胎一直唔穩定，直至六個月先穩，通常醫生話三、四個月就會感覺到胎動，但我到六個月先feel到，人哋話小器三個月，我就小器半年，唔敢同人講，驚講完會冇咗。」她直言知道懷孕那一刻很震驚：「因為自己生活日夜顛倒，又着高跟鞋、食成藥，嗰刻會諗自己食咁多胃藥，又食咗敏感藥、食魚生，究竟有冇問題？如果再行一次條路，我一定係計劃生育囉，例如早半年就補身體，檢點生活。」

大肚後踏實咗

至於BB父親身份，Uny三緘其口：「永遠都唔提佢（口架）！一來佢係低調嘅人，會尊重佢，二來我冇時間去胡思亂想，只會諗有關自己嘅將來，同埋BB之後條路，依家比較腳踏實地，活在當前。」她表示慢慢準備好當媽咪，問另一半是否同樣準備好當爸爸？她竟表示不知道：「可能你要問吓佢。」雖然她堅持不透露對方身份，但大讚他是一個勤力的好人，相信會是一個合格爸爸，但不肯定對方是否合格老公或男友，又表明不需要另一半操心，並苦笑說：「可能BB全世界得我一個，唔知BB爸爸負到咩責任？佢做到啲咩冇人知，惟有自己Ready囉，因為如果我都唔Ready，小朋友就會冇人理。」她直言二人從未傾有關結婚的問題。

至今仍拒透露經手人身份的Uny，只表示對方應該是個合格父親。

未婚懷孕的Uny，揚言即使身邊人有微言，但都不會「睇住佢死」。

產後跟媽咪住

由於跟另一半生活習慣不同，所以Uny現時選擇獨居，問到臨盆在即怕不怕危險？她坦言也有害怕的時候：「早幾日見到曱甴，好驚，冇男人幫我殺咗佢，所以搬咗去服務式住宅，有人打掃，仲可以短租，小朋友出世就搬番媽咪屋企，有照應好少少。」她表示自懷孕後，身邊人都有微言，但她深信大家還是支持她的：「大家個口鬧我，唔通真係睇住我死咩！」

場地：Le secret

服飾：Avenue1218、lilian_shop_tw

文：李惠儀

攝：劉斌