衛詩雅被細路冧暈預告閃生

資深藝人鮑起靜在溫情電影《大手牽小手》中飾演黃浩然母親，女星衛詩雅則飾演鮑姐少女版，扮演活於低下層的堅強母親，為保護兒子不顧一切。講到兩人演同一角色，鮑姐笑說：「我都好奇搵邊個演我後生呢？我一睇，嘩！竟然係詩雅，佢好靚女呀！演戲又好！」嚇得詩雅連聲表示不敢當，並笑說：「上網睇過鮑姐後生啲相，原來我哋個樣幾似(O架)！」

母子情最感動

戲中鮑姐及浩然兩母子關係疏離，惟年老的鮑姐身患頑疾，浩然遂為她逐一實現願望，兩人因而重新認識對方，期間有大量催淚情節，鮑姐說：「我同浩然有好多親情戲，佢要孭我行，佢好大隻，孭得好好！最難忘一幕係佢唱《每當變幻時》畀我聽，拍咁多年戲，呢場係其中一幕最感動，搞到我係咁喊。角色同我現實生活梗係唔同啦！我同阿女好Close嘅，但睇完劇本，見到嗰刻個仔終於原諒自己，都覺得分外感人！」

衛詩雅與戲中小演員產生感情，母愛油然而生。	只要啱Timing，衛詩雅不介意閃婚或閃生。	黃浩然於戲中與鮑起靜有不少催淚戲。

至於「升呢」演媽咪的詩雅直言起初也頗擔心，幸好與八歲馬來西亞童星相處愉快，對方更超叻賣口乖，詩雅笑言整個人也給融化了：「佢好可愛，第二日已經好黐我，佢話『你已經偷咗我個心，但唔使還畀我，就等佢一直留喺你度！』嘩！大個咗真係不得了，最後一日仲送條手鏈畀我，超Sweet，令我即刻想生番個！（有計劃生BB？）隨時呀！呢啲冇得Plan，我絕對會閃婚，冇話結婚先定生BB先。」

鬧仔難過爆粗

難怪詩雅表示要鬧可愛囝囝的戲份，比爆粗更難：「一見佢個得意樣就心都酸，點鬧得落？我要丟低佢嗰場好感人！其實之前我有睇鮑姐拍咗嗰部分，好窩心，大家都喊晒！」

場地：bybengroup

衛詩雅化妝及髮型：Meegan Seak

服裝：Michael Kors

文：立影

攝：張福宏