藝人譚凱琪與何雁詩有參演《致命復活》，與王浩信大玩三角戀。監製林志華大讚二人在劇中有緩和作用：「譚凱琪飾演倔強嘅職業女性，何雁詩就活潑開朗。成套劇劇情好緊張，佢哋就有中和嘅效果。」
另外，林志華指越南充滿神秘色彩，更是首次有港劇到當地取景：「感覺上封閉啲，唔太繁華嘅感覺，係當地朋友介紹，搞批文都搞咗成個月，好彩成個拍攝過程都係順利。」
