王浩信跳樓撞車樣樣齊

《致命復活》中王浩信亦是一大賣點，其角色與安仔失蹤10年有關。監製林志華直言要王浩信做第三男主角是「嘥咗」，大讚對方搏到盡，跳樓、攀石、撞車和跳海樣樣齊。王浩信透露拍攝駕車衝落海的戲份出現意外，令他頭部撞落車頭玻璃，割傷之餘更令他短暫失憶，左眼看不清整整一個星期。他說：「多到都唔記得，喺越南拍外景有一場逃命戲，要跳入一個湖，入面有幾十隻、每一隻都有半隻手掌咁大嘅水蜘蛛喺水裏面，我仲要面向啲水浸住。」