郭晉安激瘦60磅致命復活

台慶劇《致命復活》由郭晉安、萬綺雯（蚊蚊）及黃德斌主演，將於20日（星期日）首播，由晚上9時半至11時半一連兩集播放。劇情講述安仔到越南公幹被綁架，10年後逃出生天，回港後發現被宣布死亡，老婆亦改嫁給最好的朋友。努力重新做人的他漸漸發現綁架真相，做出偏激報復行動。

獲睇好再做視帝

監製林志華透露首集播出的兩小時驚喜連場，繼安仔為演活被綁架10年後激瘦28磅令面容更憔悴後，林志華覺得未足夠，決定以百萬打造15分鐘的特技效果，將本來已經瘦削的安仔再激瘦60磅。安仔接受訪問表示特技效果「好堅」：「嗰時我140磅，做埋特技我諗得番80磅，通常特技都係用喺撞車、冧樓，用喺文戲好難得。初初林志華怕我一下子減廿幾磅身體會有事，但係我覺得大家互相配合，減磅加特技，效果相得益彰。」對於監製指他今年有望爭視帝，安仔謙稱言之尚早：「如果拎埋就第四次啦，可以再創紀錄，不過希望係成個劇都有成績，唔止係個人獎項。」

郭晉安、萬綺雯	郭晉安在特技效果下激瘦60磅。	黃德斌為失蹤的郭晉安照顧萬綺雯，在日久生情下結為夫婦。

萬綺雯無心害人

林志華透露女主角蚊蚊在戲中周旋在安仔與黃德斌之間：「佢係安仔老婆，但安仔失蹤10年，佢就同安仔最好嘅朋友德斌結咗婚。德斌唔算係第三者，蚊蚊亦冇錯，但佢無論做啲咩都係傷害緊安仔同德斌其中一個。」他更預告在首集的尾段，蚊蚊與安仔有一場驚天動地的淒美咀戲。林志華又形容黃德斌是「世紀暖男」，願意為蚊蚊上刀山落油鑊，不過他的角色亦有伏線，與安仔失蹤10年有關。

文：影視組