跟林丹「出軌」的內地演員趙雅淇，早前有份客串網劇《無間道》，與羅嘉良和姜皓文有對手戲，其中跟嘉良較多場口，兩人更有合照，嘉良昨透過微信回覆稱對趙雅淇不太熟悉：「唔太熟呢個女仔，佢係同我拍過幾場戲，佢演黑幫販毒嗰邊嘅接頭人！」
同樣曾於劇中被「集郵」的姜皓文，透過短訊回覆：「唔熟佢（趙雅淇），只係拍過一場（戲），印象都唔深！」至於有份演出的梁靖琪則表示：「同趙雅淇只有工作上接觸，私下冇聯絡，所以別人嘅事不方便回應。」另有指趙雅淇接拍《無》劇是由林丹穿針引線，監製梁家樹昨回覆：「絕無此事！」