Elizabeth女巫咪咪引死「美國隊長」

27歲嘅「紅女巫」Elizabeth Olsen雖然擁有天賦的32B豐滿上圍,但就唔願Show Off,經常以密實打扮示人,怎料難得大解放,即惹來「美國隊長」基斯伊雲斯抽水!

Elizabeth嘅衣着品味同一對孖生家姐瑪麗凱特(Mary Kate Olsen)同厄什莉(Ashley Olsen)一樣,最愛以闊袍大袖、由頭笠到落腳嘅密實Look示人,幾乎每次出席活動都例牌「封胸」。直至近年形象漸趨成熟,於《復仇者聯盟2:奧創紀元》(Avengers: Age of Ultron)飾演「紅女巫」成功俘虜一眾宅男後,造型開始變得性感,大家才發現原來Elizabeth係有料之人,擁有32B、25、35索爆身材,一直都係禾稈冚珍珠!

(目及)完再出手

Elizabeth今年宣傳《美國隊長3:英雄內戰》(Captain America: Civil War)時難得「大解放」,穿上米白色超Deep V長裙,正面睇中門大開,側面睇視覺效果更加洶湧,幾乎撐爆條裙,難怪大合照時,企喺隔籬嘅「美國隊長」基斯伊雲斯(Chris Evans)都把持不住,公然眼甘甘望實Elizabeth心口,更被記者影低證據,搞到鬼咁尷尬!

其後Elizabeth同基斯結伴上名嘴艾倫迪珍妮絲(Ellen DeGeneres)節目宣傳《美3》時,雖然Elizabeth冇再拋胸,只係騷腿,但基斯依然好受落,被艾倫嚇一嚇後,更一手放喺Elizabeth嘅白滑美腿上,惹來抽水疑雲!

全裸拍床戲

雖然衣着方面算是稍為「解放」,但Elizabeth自爆當初接拍《美3》時,因知道「紅女巫」造型不用好似漫畫入面咁暴露才放心答應!不過,她於2013年跟佐斯布連(Josh Brolin)合作美版《原罪犯》(Oldboy)時,大膽程度卻令人咋舌,全裸跟佐斯激烈床戰都唔介意,更大方在鏡頭前露兩點,Elizabeth嘅底線真係好難捉摸!

專嗒男拍檔

Elizabeth開工時真係「全情」投入,2012年拍《Very Good Girls》期間,同拍檔Boyd Holbrook撻着,仲去到談婚論嫁階段,2014年3月宣布訂婚,但翌年1月分手。同年,佢同「邪神洛基」湯赫度斯頓(Tom Hiddleston)因喺《I Saw the Light》飾演兩公婆而傳緋聞,於英國牛津「拍拖」時被粉絲「捕獲」,去高級餐廳Wolseley撐枱腳時再被記者捉個正着,當時Elizabeth煞有介事咁掩面避鏡頭,但最終緋聞都係無疾而終,其後湯更搭上歌手Taylor Swift。

Profile

姓名:Elizabeth Chase Olsen

出生地點:美國加州

出生日期:1989年2月16日(27歲)

三圍:32B、25、35

代表作:《瑪蓮邪教離魂曲》、《復仇者聯盟2:奧創紀元》、《美國隊長3:英雄內戰》

文:外娛組