徐濠縈夢想開波點車

潮人阿徐（徐濠縈）早前獲邀為汽車品牌拍攝宣傳片，片中她以五個型格造型示人，原來阿徐一直渴望擁有一部越野車，多次向老公陳奕迅明示暗示亦不為所動，她笑說：「我講過好多次想要架越野車，可能男人喺呢方面滿足咗自己先啦。加上平時都係司機接送，自己都係Sunday driver，對車要求好簡單，最緊要係安全舒適。以前拍戲就會成日自己揸車，依家少揸技術差咗，好多時會整花架車。」她最鍾意波點圖案及粉色系列，希望將來擁有一部粉系波點車，笑言定會很受女士歡迎。阿徐選車除外形外，車廂一定要夠大，可以放置單車，方便與老公和囡囡郊遊之用。