韓碩搞導師殿堂教學兼行善
「Teacher Hall導師殿堂」創辦人韓碩，昨日舉行「導師殿堂開幕酒會暨善學慈善基金捐款簽署儀式」，韓碩稱當日構思導師殿堂全因替家中三名子女搵補習班所致，現肩負社會責任與趙曾學韞的善學慈善基金合作籌款助清貧學生。
開幕酒會不少殿堂導師都有現身，如香港首位女職業騎師江碧蕙、樂隊Mr.成員Ronny、詠春師傅江志強、賽車手詹家圖，藝人陳蕊蕊亦以嘉賓身份出席活動。
配對成功捐十蚊
講到開辦導師殿堂這個教學平台，創辦人韓碩說：「因為香港有呢個需要，我有三個小朋友，當初幫佢哋搵導師嘅過程辛苦，係要去超市嘅告示板度搵，後嚟連告示板都冇埋，好頭痛，所以令我發現到香港係需要有呢一個網上平台，令老師同學生可以配對到，就誕生咗呢樣嘢。」
韓碩表示他設立的平台及Apps有四大範疇，包括體育、藝術、補習、語言，更不限年齡參加，而他最有興趣是跟練馬師錢健明學馬術。講到與趙曾學韞的善學慈善基金合作，韓碩說：「本身識咗佢好耐，而做生意嘅同時都要對社會有責任，都想幫到啲清貧學生，可以透過我哋導師同學生每個配對成功，就捐出十蚊做善事。」
趙曾學韞學攝影
至於現場韓碩與趙曾學韞進行捐款簽署儀式，趙曾學韞表示今次代表受惠機構出席，將來每個導師每收一個學生都會捐出十元給善學基金。問到她可有興趣參加興趣班？趙曾學韞說：「我最想學攝影，我鍾意影風景、自然景象。（有冇諗過開慈善相展？）係可以，但我仲未有自己時間去做。」她覺得為善不在乎多少，一元、十元都可以，有錢出錢，像她沒錢就出力。
至於陳蕊蕊表示有興趣上普通話堂，之前在內地拍網劇，最後都因發音不準要靠人配音。之前的舊愛金剛教不好她的普通話？蕊蕊表示揀男朋友最緊要夾，承認目前有人追，但未拍拖。
文：音樂組
攝：林蔚恩