趙哲妤唔搵BB爸爸陪上堂

前中國小姐趙哲妤（Uny）、藝人林雅詩（Grace）、仙樂都（Yoyo）等昨日出席「中國香港國際超級小姐」活動，佗B七個月的Uny表示近日心情好轉，常聽音樂作胎教：「好多客戶關心我，冇cut工作反而提出延遲，但我想趁仲有能力搵多啲奶粉錢，生咗之後珍惜湊BB時間。雖然個肚比較細，但胎兒身體好健康。」她又說將男女感情暫放一邊，問及會否與BB爸爸上育嬰班？她說：「未知道有冇位，我會搵朋友陪我上，可能男人去到冇咁多時間幫手，唔想嘥咗。」仙樂都透露藝人筱靖有陪Uny產檢：「下次到我陪佢。（擔心佢會好辛苦？）Uny性格樂天開心，唔擔心，佢已經開始胎教。」