張偉文喊住開騷：一定企番起身！

飽受腰患困擾、暴瘦兩個碼的「靚聲王」張偉文，前晚在沙田為共五場的巡唱揭序幕，騷前有護士為他打止痛針及食止痛藥。雖然全程坐在椅上獻唱，但他唱足150分鐘絕無欺場，當聽到觀眾的慰問與想起好友盧國沾的病情，自覺比很多病人幸運。期間，張偉文忍不住感觸落淚，擔心今次是最後一次巡唱，但聽到醫生指手術後有八成機會康復時說：「下次我一定企番起身開演唱會。」為免觸痛腰患，大會建議他以一套衫唱到尾，但張偉文說：「我已經坐喺度冇嘢睇！」最終換了三套靚衫會歌迷。完騷後，他眼見觀眾不捨離場，堅持與歌迷見面及簽名約45分鐘，專業精神可嘉！