《玄學星相》：王菲行懶運半退休吊歌迷癮
天后王菲宣布於年底在上海開騷，掀起撲飛熱，天后魅力不減當年！《東網巨星》節目《玄學星相》邀得堪輿學家陳子才分析她能保持天后地位的箇中「玄」機。
《東網巨星》娛樂節目《玄學星相》播出後反應熱烈，深受觀眾歡迎，最新一集就由堪輿學家陳子才以玄學角度，分析王菲如何保持天后地位。相隔六年，王菲再度在內地開騷，原來有箇中玄機，陳子才說：「其實王菲喺2009年開始轉運，行退休、懶惰同舒服運，變相會半隱退娛樂圈，加上佢唔太追求名利，所以維持幾年先出現一次，令人愈嚟愈想睇佢，自然掀起撲飛潮。」
今明兩年有機嫁霆鋒
既然行緊舒服運，王菲自然有時間與謝霆鋒拍拖，難怪近年屢傳婚訊，陳子才指兩人有機會報囍：「因為王菲嘅『夫妻宮』同今年流年暗合，代表有機會結婚，屬猴嘅謝霆鋒今年犯太歲都係有可能，今年同出年係最大機會結婚。」
若然拉埋天窗，究竟王菲與霆鋒會否生小朋友呢？陳子才指同樣今、明兩年仍存在可能性：「不過王菲年屆47歲，生小朋友嘅機會愈嚟愈細，如果過埋今年同出年上半年都未有喜訊，機會接近零。」至於王菲愛女竇靖童與霆鋒又會否相處融洽？想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！
Link：https://goo.gl/KfTy4v
文：專案組