坤坤閘住「翻版龔嘉欣」：唔想污染佢！
歌手吳業坤日前到西貢一間中學為新歌《第一次告別》拍攝MV，邀得貌似緋聞女友龔嘉欣的演員楊偲泳（Renci）擔任女主角。兩人穿上校服扮學生，還Sweet爆畫黑板兼排排坐，重演學生哥拍拖場面，但坤坤身穿的校服有點逼爆！兩人又到操場扮演多年後重遇的尷尬場面。
Sell青春：唔畀錫錫
坤坤受訪時表示兩人有共同朋友，兩年前已想邀請對方拍MV：「就喺臨門一腳，我開始加入唱片公司，所以計劃就擱置咗！直至今次終於合作，但都係第一次見面。」緋聞纏身的坤坤突然無故落閘，表明跟Renci絕不會撻着：「費事又增加緋聞對象！唔想令佢清純形象毀於一旦，所以保持距離先，費事污染咗佢。」Renci亦表示坤坤只是朋友的類型。問到MV可會有親密場面？Renci笑說：「唔會！我哋Sell青春，老師唔畀錫錫(口架)！」問到可有其他合作？兩人說：「希望我哋可以有演戲交流。」
欠成熟令感情受傷
談到MV內容，坤坤透露講述初戀分手後的遺憾：「嬲自己點解咁多嘢唔可以做好啲，大個咗先發覺對方可能已經嫁咗人，有啲嘢冇得番轉頭，叫大家要珍惜。（自己有呢啲遺憾？）我未有前女友結咗婚！（有啲分咗手覺得可惜？）未必係分手，有時有啲吵架係唔需要，只係嗰陣唔成熟，令感情傷害咗，大個咗諗番就覺得點解咁蠢。」
文：音樂組