王浩信遭蔡思貝抽水張振朗趁亂胸襲

王浩信、蔡思貝、李佳芯、張振朗及陳庭欣（Toby）等昨日到電視城，為無綫新劇《踩過界》試造型。扮演盲人律師的浩信戴「白眼con」及手持盲公竹示人，思貝則以哨牙及額角有疤痕的造型亮相。於劇中艷福不淺的浩信影大合照時，被蔡思貝及李佳芯「摸身摸勢」夾擊，振朗更從後揸浩信胸部。被玩謝的浩信不禁大叫：「你唔好再亂郁，我老婆都未試過咁！」場面爆笑。

笑李佳芯open

事後浩信笑言與蔡思貝、李佳芯及朱千雪等女神合作，老婆陳自瑤卻毫不擔心：「佢知我角色係盲嘅，所以唔擔心。（有親熱戲？）冇，反而李佳芯就有，佢角色外表斯文，內裏open。」他坦言為角色特製隱形眼鏡，但擔心長期佩戴會傷眼：「我會保持隻眼濕潤，喺劇中有時會戴黑超，畀隻眼抖抖。」

王浩信與張振朗扮咀嘴，場面搞笑。	王浩信佩戴「白眼con」及手持盲公竹的造型，比靚女蔡思貝更搶鏡。	陳庭欣於新劇演變性人。

陳庭欣變性？

飾演法官的Ali透露角色一收工就會去夜蒲，更預告會晒身材：「戲服會好貼身。（谷胸又晒腿？）偏多呢類型嘅衫！」至於穿上男裝的Toby表示於劇中「束胸」扮真男人，但發現自己男人身、女人心，因而走去變性。她自爆造型取材自翟威廉及許家傑，並感謝監製給予機會挑戰「變性人」角色。

另外，無綫新劇《來自喵喵星的妳》前晚首播收視不俗，錄得最高26.4點收視，約有177萬觀眾收看。

文：影視組