游學修封嘴錫住舊愛
藝人游學修昨日出席自由約活動，即場分享閱讀心得，更與樂隊Nowhere Boys一齊上台唱歌。受訪時，他直言非常看重人與人之間的關係，提到網民對前女友蘇麗珊的抨擊，他希望大家高抬貴手，問到心情如何？他說：「心情冇嘢啦，過咗去。（咁快平復心情？）唔講太多，唔想出爾反爾，希望大家明。（冇機會復合？）唔講喇，唔想去傷害人哋同埋自己。」
另外，與大隻男友拍拖約半年的藝人林芊妤（Coffee），昨日下午亦拍拖到西九欣賞音樂表演兼野餐，Coffee與男友坐在草地邊聽歌邊食，期間還餵男友食嘢，極之甜蜜。
