崔碧珈「胸」難獻身搵人捽

【陳栢宇澳門直擊】戲中Anita的角色參考葉子楣，其胸前視覺效果比其他女角誇張得多，她笑言其實大家制服尺碼一樣，難怪特別Big爆：「其他女仔都好嬌小玲瓏，佢哋着加細碼，我又係，所以膊頭唔啱，褲又吊晒腳，好在冇爆線咋！」談到戲中被兩名馬來西亞女演員夾擊踩胸，她直言該場戲NG逾十次，胸部硬食了十多腳：「有少少痛，但唔係好犀利，最大問題喺浮台上面拍，大家企唔穩，踩完Hold唔到又要再拍過。（使唔使敷冰？）唔使，我自愈能力好好。（搵人捽跌打酒？）我驚冇人願意咋！入行咁耐都冇拍拖，花太多時間學嘢，咁啱我身邊啲男士都鍾意嬌小女仔，所以冇揀我。」

堅係勁過葉子楣

Jeana亦讚Anita身材超勁，問到認為對方的巨胸「堅定流」？她笑說：「堅！（摸過？）目測！佢真係好好身材！勁過葉子楣好多！」並透露導演男友翁子光在內地拍戲三個月，問會否怕男友睇《辣》片時掛住睇其他女演員？Jeana即寸嘴說：「睇吓邊個好啲囉！咁佢平時都唔(目及)女嘅。（眼中只有你？）係囉！」

稍露線頭的香香非常Charming！	Anita咁「胸」湧，小肥都忍唔住望多幾眼！	一眾演員和工作人員影大合照留念，場面墟冚。

突破形象扮粗魯

至於香香透露男友強強尚未欣賞新片，對於被Anita搶鏡，她笑說：「騷身材係佢強項，咁我角色都好突破，會鬧人，比以前粗魯得多，希望觀眾會鍾意！」談到好友鍾嘉欣自爆年底返港，香香稱未知確實日子：「睇佢Planning啦！（佢帶埋個女返？）由佢自己宣布啦！（佢返嚟復工？）咁始終佢係喺香港做嘢嘅。」

文：影視組