黎明金句教英文 余文樂冇膽鍊車

天王黎明（Leon）昨日以特別嘉賓身份現身全港首屆電動方程式賽車錦標賽（Formula E），並駕駛大會安排的Safety Car（安全車）感受賽事。約下午兩時半，戴Cap帽、黑超的他先接受大會主持人的訪問，對於香港首次舉辦電動車賽事，他認為香港應多舉辦這類型大型活動。問到可會在賽道上鍊車？他坦言會盡量安全駕駛，更拋金句說：「加埋架車叫Safety Car就更加要Safe！」

提到比賽的3個「E」字蘊含3個核心價值，Leon即英文老師上身，教大家三個「E」字代表Energy（能量）、Environment（環境）及Entertainment（娛樂）。他逗留不足4分鐘，在駕駛員陪同下駕駛安全車繞賽道一周。

張敬軒羨慕買超跑

而藝人劉嘉玲、楊紫瓊、張敬軒、余文樂、王祖藍與太太李亞男、苟芸慧、陳貝兒及名模Amanda S.等亦有到場觀戰。問到余文樂可想參賽？他說：「唔想，人愈嚟愈大，我愈怕危險，街好多凹凸位，我都試過差啲出事。」提到他近日豪擲約650萬港元購下香港只得10部的「McLaren 675LT」限量超跑，他即避談說：「唔講呢啲喇！」身旁的張敬軒笑言好羨慕。其後余文樂扯開話題，提到即將與楊千嬅開拍新片：「好少可以成套戲喺香港拍，今次好開心，但大家幫我追吓導演盡快畀劇本我啦！原先係出埠拍嘅，但嗰啲地方唔得，導演好頭痛，可能要調整下劇本，希望順利！」

放大圖片	黎明坐上車，舉起勝利手勢！	張敬軒笑言羨慕余文樂（左）買超跑。
劉嘉玲（左起）、鄧愛嘉及楊紫瓊到場觀戰。	苟芸慧	李亞男晒長腿，孖住老公王祖藍晒恩愛！

文：音樂組　

攝：秦健輝