石詠莉開騷 鄧健泓緊張過女友
藝人石詠莉（Sukie）昨午到九龍灣為昨晚舉行的演唱會拜神，未婚夫暨製作統籌兼創作總監鄧健泓（Patrick）亦有現身，拍照時更整古做怪與Sukie晒恩愛。
雖然開騷在即，但Sukie笑言不覺緊張，只覺肚餓：「我冇磅，但我估瘦咗十幾磅，唔係特登減，係少咗食油膩嘢，Pizza同炸雞都冇食，我會諗『每唱一首歌，離Pizza又近一步』。（同未婚夫合作，有冇拗撬？）佢好嚴謹，不過佢講嘅都係啱，喺屋企廚房我話事，其餘就由佢出主意。」Patrick則表示心情比自己開騷還要緊張：「我要求高，初初佢會反擊，依家少咗！」