貝安琪終認有喜3個月媽咪踢爆：係意外
模特兒貝安琪昨日於Instagram親證有喜，同日與媽媽劉香萍出席活動時，開心宣布已懷孕三個多月，表示因擔心BB小器才一直忍口不敢承認。劉媽媽更踩女兒一把年紀，踢爆她懷孕乃意料之外。
上月剛滿36歲的模特兒貝安琪（Ankie）與媽媽劉香萍，昨晚出席香港與德國友好文化交流活動，時裝設計師男友Simon亦有現身捧場。早於今年六月公開認拍拖的Ankie，八月下旬亮相公開活動時宣布明年與Simon結婚的喜訊，其後被發現肚凸凸，惹來懷孕疑雲，她一直不承認，直至昨日下午她終在Instagram親證有喜！晚上她腳踏三吋高跟鞋亮相活動時，直認懷孕已過三個月，故可跟大家開心share，又稱早前因怕BB小器，才「封口」避談喜事。
照做瑜伽健身
Ankie表示懷孕至今，身體完全沒有不適，仍保持做瑜伽及茹素的習慣，並稱不會因有BB而提早婚期。問到有BB是意外還是計劃之內？Ankie笑而不答，媽媽劉香萍則踢爆：「係意外，但佢都好鍾意BB，咁佢都一把年紀啦，時間同年紀都幾適合。」又透露Ankie會採取自然分娩居多：「真係迫不得已先會做其他選擇，最好係自然。（香港生？）佢哋兩個決定。」
不會放棄幕前
問到男友Simon有否叫她減少工作？Ankie說：「佢覺得最緊要我開心，我咁鍾意自己嘅工作、演戲、畫畫，所以會繼續做。（生多幾個？）到時睇吓點先。（意外有咗影響工作減少收入？）其實我個樣仲係一樣，同埋我有好多計劃係下年先做，依家啱啱同媽咪出咗呢部戲《許願樹》，多數都係做production、寫吓劇本同專注喺畫畫度，所以工作方面Ok。」
文：名人組