郭思琳爆缸甩con苦盡「金」來
藝人郭思琳、羅孝勇（Sheldon）、吳雲甫等前晚參加打拳明星賽，壓軸賽事由思琳對戰劉家良徒孫何慈茵，兩人落力比賽，第一回合甫開始思琳即被打到甩隱形眼鏡，更鼻血四濺。激戰三個回合後，由思琳勝出，她開心得高舉雙手並由錢小豪頒予「金腰帶」。
昨日思琳接受電話訪問透露，勝出當然很開心，亦稱平時打開兩分鐘一回合，但直至比賽前一日過磅才知今次是三分鐘一回合：「惟有逼自己發揮極限，爆出嚟！第一round佢打到我con飛甩，又流鼻血，知道佢有啲料，我都無名火起改變策略，改為用拳腳打。」講到傷勢，她說：「額頭凹凸好多瘤，好似壽星公，成塊面都有一條條痕花晒，牙骹都歪咗，只可以食糊仔，不過我眼就冇事。左腳大髀都腫晒，行唔到，面都可以靠化妝遮住，腳就唔得，惟有等佢散瘀。」她稱比賽完結後到昨日都沒有睡過，大呻痛到睡不到，但為了比賽仍是值得：「之前《Ｇ-1格鬥會》因太傷而退出，今次將全部練嘅一炮過付出，直至尋日攞到金腰帶吐一口氣，失而復得！」她預計要休息一星期，而九號的工作未知能否出席。
羅孝勇皮外傷
至於勝出比賽的Sheldon亦稱很開心，兩至三個月的努力沒有白費：「最開心係夠冷靜，同埋push到自己極限，希望繼續進步。」講到傷勢，他透露幸沒甚大礙：「牙骹有少少緊，但仲食到嘢，後腦有少少wing嘅感覺，右眼下面少少瘀，但都係皮外傷，預一星期休息。」講到打到吳雲甫流鼻血，他坦言有點心噏：「完咗之後先知咁嚴重，不過我哋尊重個運動，同埋佢都好有heart，佢中咗我拳，會即刻還拖。」另外，賽前Sheldon大方透露其緋聞女友王丹妮有來捧場，亦有讀者拍得照片。
文：音樂組