蒙嘉慧鄭伊健冇打算生B

藝人蒙嘉慧（Yoyo）日前接受由黎燕珊主持的有線節目《往事•並不如煙之情書》訪問。Yoyo透露母親佗着自己時已離婚，由外婆將她帶大，她自幼就不相信婚姻：「有個朋友問我點解仲唔同鄭伊健結婚，如果其中一方有事，我哋即使幾親密，法律上都唔可以為對方做任何重要決定，我聽完又覺得好啱，先決定結婚。」早前Yoyo因身形圓潤被疑懷孕，她直言沒有生B打算：「我媽媽比較任性，婆婆成日要擔心佢，如果生咗個小朋友好似我媽媽咁咪好慘？我鍾意兩個人自由自在多啲。」