方中信摷陳年水着黃智雯郭少芸醒神

方中信、黃智雯、李佳芯、張曦雯、曹永廉等昨日出席無綫劇集《律政強人》「謝師宴」飯敍，劇中演律師的方中信獲徒弟們逐一斟茶，又送上蜜糖，氹得他笑逐顏開。他昨日現身，笑指無綫道具組遺失了其人形紙牌，惟有真人出現，在旁的曹永廉即抵死地說：「化咗啦！」認真大吉利是！之後二人唇槍舌劍一番，十分搞笑。

郭少芸「亭亭玉立」

近年長駐內地拍劇的方中信，每日開工12小時，直言在無綫開工慘被當茶樓伙記——日踩15、6小時，中段僅得兩小時落場，奈何「貪錢」及與監製羅永賢關係好，才答應演出，不過劇集反應好，無綫高層極度讚揚，也感開心。對於監製有意開拍第二集，方中信坦言首要條件也是向錢看，又說並非視帝，不敢多作要求。

黃智雯	郭少芸	方中信與曹永廉（左）唇槍舌劍，擦出火花。

方中信在台上表示看過黃智雯的三點式，笑言等埋位期間，會網上搜尋這些照片來開玩笑：「智雯都叫近年啲（參選香港小姐），郭少芸都搵到先驚！上咗年紀，都幾難搵，嗰時佢亭亭玉立，佢好在玩得。（阿廉講燒嘢畀你唔嬲？）等佢開心吓，佢都一把年紀！」智雯對於被前輩網上搜尋三點式照，笑言：「拍嗰時大家都眼瞓，咁咪畀佢提吓神囉，係我嘅榮幸。咁又唔淨只我，郭少芸仲好多年前添！」

口快快爆定欣停牌

談到陳展鵬被拍到與緋聞女友胡定欣同車食糖水兼送返屋企，問及智雯時，她卻口快快爆料：「定欣停牌嘛！」當醒覺後即不知所措，不斷找其他藉口，爆笑非常。至於曦雯被網友讚她13歲的舊照索，笑言常被人指整容，故上載少女時期照片以正視聽。

文：影視組