梁嘉琪歐遊食到病

藝人梁嘉琪、何傲芝、余思敏與王曉君昨日出席美容公司開張活動。剛剛歐遊返港的嘉琪透露因在當地狂食而病倒，但總括旅程相當愉快：「因為係同識咗廿年嘅舊同學去，仲有朋友喺丹麥結咗婚，所以真係好難得。（有艷遇？）我冇化妝，冇嚇親人已經好好。（男友一齊去？咁多電燈膽！）佢有一齊，但佢先係電燈膽，阻住我同啲舊同學敍舊。」至於何傲芝被問到妹妹傲兒是否已與張名雅「和解」，她說：「佢哋有聯絡，大家係好朋友。」談到日前出席羅仲謙及楊怡婚禮時有否目睹馬國明與洪永城「開火」，何傲芝指見兩人有傾偈：「應該冇嘢嘅。」