苟芸慧陸漢洋戀情升溫前後腳慶生
苟芸慧盛傳與錫礦大王後人陸漢洋（前名陸恭和）拍拖，早前一度有傳男方另有前新聞主播女友，令苟姑娘惹來「小三疑雲」。不過，陸漢洋前晚慶祝生日邀得苟姑娘現身生日會，兩人關係明朗化！
當晚11時許，陸漢洋與關心妍夫婦慶祝後先行步出，問到為何不與苟姑娘結伴離開？陸漢洋支吾以對，並立即上車，同行的關心妍只笑說：「有咩問番佢哋啦！」15分鐘後，苟姑娘偕譚凱琪及一名女友人離開，一臉甜笑的她說：「陸漢洋生日，一班人慶祝，有其他朋友！唔係兩個人。」似乎此地無銀，要多加解釋！記者其後致電陸漢洋，他透露今年收到朋友送贈的賽車用品，提到苟姑娘都有到賀，他說：「好多朋友都有嚟。（你哋係咪拍拖？）呢啲唔答啦！（覺得佢係好女仔？）有人覺得佢唔係咩？總之唔講感情事啦，上次答係因為麻煩到前度。（你有冇一腳踏兩船？）從來都冇。」苟姑娘受訪時亦表示不談感情事，但感謝外界讚賞她減肥成功，今後會繼續努力Keep Fit。
