趙式和努力追藝術夢報答亡父
船王之子趙世光於7月逝世，太太何琍琍及子女雖已重回生活正軌，但父親的離開，在一家人的生活和心靈上都泛起了漣漪。現時主力打理畫廊的趙式和，回憶父親撐着拐杖祝賀其畫廊開幕，片段歷歷在目！她表示努力發展藝術事業不僅是自己的終生興趣，也是對父親支持的一種報答！
早年趙式和曾幫忙打理家族船務生意，亦有為母親何琍琍打理在上海開設的餐廳，有好一段時間在上海居住，但不太有熱情，她說：「後來覺得人生好短暫，真係想做自己鍾意嘅事，所以就去搞藝術開畫廊。」自小已對藝術感興趣的她，喜歡畫畫及收藏畫作：「我平貴都買，鍾意一幅畫係一種感覺。（最貴一幅幾錢？）最貴一幅畫喺英國買，300萬，依家諗番都覺得嗰陣有少少衝動，細個都有問Daddy借錢買畫。（爸爸支持？）都支持，佢覺得買呢啲好過買其他冇用嘅嘢！」
行動不便照撐開幕
式和表示父親除了金錢上支持她，亦「身體力行」：「嗰陣畫廊開幕，條路好斜，佢（中風後）行動不便，上落車都有困難，但都撐住枴杖行嚟，佢想話畀我知，無論點樣都會支持我，好感動！雖然Daddy走咗，但我相信佢會想我哋繼續好好生活，所以我更加要做好事業！」父親逝世後，一家人都要重新適應，尤其是與他結褵50年的母親何琍琍，式和說：「50年係一段好長嘅時間，有太多回憶！」
望畫廊達國際級
式和的畫廊剛舉行了由四個藝術家組成、名為「內景」的展覽：「我希望自己嘅畫廊可以做到有知名度、有水準。（係咪為賺錢？）外國嘅大行真係可以賺大錢，當然我都希望有一日可以做到咁。」有父親的庇佑，加上滿腔熱誠，相信式和的藝術夢定能璀璨盛放！
文：Ada Lam
攝：張福宏