小松菜奈多得GD帶挈霸頭位
【陳嘉敏、劉智源巴黎直擊】今季巴黎時裝周有不少新貴睇騷，日模小松菜奈得緋聞男友G-Dragon人氣帶挈，首次踏足巴黎睇騷，雖然避談男友，但地位顯而易見，同場亦有文藝女神袁澧林，二人齊齊升呢成為頭排座上客，更異口同聲指要去Shopping，難掩興奮！
韓國天團Big Bang隊長G-Dragon的日本緋聞女友小松菜奈、文青女神袁澧林（Angela）、諸葛紫岐（Marie）、白百何、馬思純及韓藝瑟等於巴黎時間4日現身當地舉行的2017春夏時裝騷，小松菜奈最近人氣急升，升呢到巴黎睇騷更被安排坐頭排，坦言大感興奮，又指自己十分喜歡古着，會在當地搜購。問她會否買給男友G-Dragon？她則沒有回答。
諸葛紫岐出Trip掛住囝囝
而首次到巴黎兼睇騷的Angela表示今次可以親眼看到巴黎鐵塔及好有歷史的街道：「以前只可以睇相，我今次最想去羅浮宮，有好多超正嘅文物。（會唔會想同男友嚟呢個咁浪漫嘅城市？）第一日夜晚，我喺條街見到一對男女Kiss，我望咗佢哋好耐，巴黎真係好浪漫，喺街Kiss都係好平常。」她更透露去了跳蚤市場，見到好多古董傢俬及二手店，更買了手袋。提到工作，仍是學生的她表示今年是大學最後一年，她稱要兼顧讀書及工作頗吃力，但會加把勁，相信應付得到，10月便會拍劇，12月則有電影拍攝工作。
另外，Marie透露一落機就去試衫，期間有外國傳媒上前跟她做訪問，但因距離關店時間僅餘一小時，Marie以時間太趕為由拒絕。她表示在當地逗留三天共看三場騷，之後去倫敦工作，問到會否掛住囝囝？她說：「會掛住，一定會買手信畀老公同囝囝，囝囝已經問我Surprise喺邊。」